$300种出阿愁 DIY沙画盆景

一谂起暑假就快完,相信好多学生哥都会好愁,所以更加要趁开学前玩尽佢!但係大热天时唔想出街玩到身水身汗,呢个沙画盆景 工作坊 就啱晒你喇!以沙画画出唔同嘅情绪专员,再用佢哋嚟种盆栽,任性起上嚟,仲可以根据当日嘅心情嚟决定淋边盆添!(讲笑咋,植物都係生命嚟㗎!)

$300种出阿愁  DIY沙画盆景

虽然记者唔係学生,但係对于日日要返工都表示好愁,所以今次决定整只阿愁返公司放喺枱面,等佢陪我一齐愁。唔好见佢咁靓以为好难整喎,其实掌握咗技巧之后,大概2个钟就已经可以完成!

拣好要画嘅图案之后,就要将纸样贴喺玻璃杯边,方便之后可以对住嚟画。

$300种出阿愁  DIY沙画盆景

之后就可以根据纸样上嘅线条搽胶水,胶水搽多好过搽少,因为上咗色之后可以用笔推返啱沙画嘅形状,不过如果太少胶水,沙就会黐唔实玻璃杯㗎喇!

$300种出阿愁  DIY沙画盆景 $300种出阿愁  DIY沙画盆景

好似下面只眼珠咁,就係因为落得唔够胶水,所以沙就会分布得唔平均。

另外,导师建议由杯底开始画起,同埋画咗深色嘅线条先,咁就可以避免浅色嘅沙被染色。

$300种出阿愁  DIY沙画盆景
先上黑色再上白色,咁就唔怕整污糟眼白啦。

头髮部份可以分开几次上色,不过要小心控制胶水份量,如果唔係出嚟就会变到一挞挞咁!

$300种出阿愁  DIY沙画盆景

画完之后就可以拣选钟意嘅植物。

$300种出阿愁  DIY沙画盆景

喺玻璃杯入面放一个锡纸兜,咁就可以将泥土同埋沙分隔开,外层用沙填满底色,内层就放入植物同泥土。

$300种出阿愁  DIY沙画盆景

最后,用泥土填满整个玻璃杯,咁就完成喇!

$300种出阿愁  DIY沙画盆景

记者今次都只係第一次整沙画,本来都担心整出嚟会变到好似翻版公仔咁样,眼耳口鼻走晒位,不过好彩,原来都唔係好难,用咗两个钟头多d就完成,整完之后真係好有成功感!以后有阿愁喺公司陪住我,心情都好d!好想整埋另外4只脑朋友,带埋佢哋返公司呀!

$300种出阿愁  DIY沙画盆景
完成之后,工作坊仲好贴心咁有「外卖盒」方便学员拎走。

除咗几位情绪专员, 工作坊 仲可以整其他公仔,好似近期大热嘅Minions同蛋黄哥咁。如果想man d行型格路线,整Star Wars亦得!再唔係,可以预先将想整嘅图案send畀设计师,佢就会话畀你知到底整唔整到。

$300种出阿愁  DIY沙画盆景

$300种出阿愁  DIY沙画盆景

沙画盆景以大小收费,除咗阿惊之外,其余4位脑朋友都係属于大size。

沙画盆景工作坊现货7-8cm(小)$300$3509-12cm(大)$400$450*自定款式另外+$100Bonart

地址:观塘敬业街65-67号敬运工业大厦8楼O室

电话:2789 2782/60886654

网址

上一篇: 下一篇:

相关文章